Balneario Baños da Brea (Vila de Cruces)

Balneario Baños da Brea (Vila de Cruces)

Tipos de aguas

Ofrece augas sulfuradas, bicarbonatadas, alcalinas e clorurado sódicas. Emanan a unha temperatura de 28 °C.

Indicacións terapéuticas

  • procesos reumatolóxicos
  • afeccións do aparato respiratorio
  • doenzas da pel
  • son apropiadas para combater o estrés e a fatiga física e psíquica

Programas

  • piscina termal
  • ducha circular
  • ducha vichy
  • chorros
  • flebotónico
  • inhalacións ou aerosoles
  • jacuzzi
  • baños de hidromasaxe
  • sauna húmida
  • cámara de vapor
  • parafangos
  • masaxes corporais
  • estética facial e corporal

Servizos hoteleiros

O hotel dispón de 44 habitacións exteriores con todos os servizos. Ademais, ofrece:

  • zona wifi
  • restaurante
  • cafetería
  • ascensor
  • servizo de lavandería
  • salón social
  • sala de reunións
  • sala de televisión
  • zona axardinada
  • aparcamento

Organízanse visitas turísticas e proporciónase información para que o visitante poida realizar un montón de actividades: bicicleta, bolos, deportes de aventura, hípica, pesca, rutas culturais e de sendeirismo.

Historia

Os monxes beneditinos do Mosteiro de Carboeiro, ao parecer, xa usaban as augas mineiromedicinais da Brea. Da época barroca tamén se coñecen alusións ás mesmas, malia que a súa sona non chegaría ata finais do XIX, momento no que os baños recibían a unhas 400 persoas ao ano. En 1991 constrúese o actual hotel balneario, que anos despois é obxecto dunha profunda reforma e ampliación.

O Contorno

Vila de Cruces

Entorno do Balneario Baños da Brea

O municipio pontevedrés de Vila de Cruces está situado no centro de Galicia, na comarca do Deza. Atópase a tan só 22 km de Lalín, 39 de Santiago de Compostela e 67 da cidade de Pontevedra.

www.viladecruces.gal

A Solaina de Piloño é a antiga «Casa do Ferreiro», un vello casarón restaurado e na actualidade casa-museo do concello. O centro, que reúne de forma periódica a pintores, debuxantes e escultores, é o mellor referente cultural da zona.

A casa natal do escritor Xosé Neira Vilas está situada na parroquia de Gres, reconvertida en casa de cultura. Tamén alberga un museo etnográfico.

Moi preto de Bandeira (Silleda) atópase a Fervenza do Río Toxa, de gran beleza e valor paisaxístico, e da que din é a máis alta de Galicia, con 60 m de caída. Situada integramente no corazón da natureza, é un dos recónditos lugares máis fermosos.

O mosteiro de San Lourenzo de Carboeiro é un auténtico tesouro patrimonial bañado polo río Deza. A súa igrexa está considerada un dos grandes expoñentes do románico oxival de Galicia. As visitas son gratuítas.

Tamén se poden coñecer as antigas minas de wolframio, situadas nunha paisaxe rochosa e salvaxe que ten servido de escenario a varias producións cinematográficas.

A mellor representación de carballeiras de Galicia atópase na beira do río Arnego, onde se ergue un bosque no que tamén abundan as sobreiras. Ademais, o río, rico en troitas, ofrece algún dos mellores cotos de pesca de toda a provincia.

A área de recreo coñecida como A Illa de Gres é unha paraxe formada por seis illas artificiais, das cales cinco están unidas por pequenas pasarelas. Cerca hai unha ponte romana de once arcos e un muíño.

A praia fluvial da Carixa, na parroquia de Merza, ademais de ser un lugar ideal para o baño, conta cunha zona de esparexemento con merendeiro e ten un muíño restaurado moi preto. No seu contorno creouse un parque biosaudable.

Para os amantes dos deportes acuáticos, nos ríos Arnego, Ulla e Deza pódese practicar rafting; e no encoro de Portodemouros remo e piragüismo.

Información

Tipo de aloxamento:
Hotel balneario **

Número de Rexistro Sanitario:
C-36-000296

Temporada de apertura:
Desde o 6 de marzo ao 6 de decembro

Enderezo:
Paradela, 4
36580 Merza, Vila de Cruces (Pontevedra)
Tel: 986 583 614
Fax: 986 583 619

Correo-e: correo@balneariodabrea.com

Web: www.balneariodabrea.com

Galería